29.10.2013

Encyklopädie des rußischen Reichs

"Versuch einer vollständigen geograph. -topograph. Encyklopädie des rußischen Reichs nach alphabetischer Ordnung.", Гётінген 1796.
Апісаньне горада з энцыклапедычнага слоўніка па Расейскай Імперыі 1796 году.
Галоўнае адрозьненьне да іншых апісаньняў у тым, што тут акрамя іншых зьвестак прыводзіцца кароткая гісторыя горада, нават са спробай вызначыць паходжаньне назвы.

25.10.2013

Ода Кацярыне ІІ ад габрэяў Магілёва (1780)

Ода была напісаная па заказу Магілёўскай габрэйскай абшчыны ў 1780-м годзе з нагоды прыбыцьця ў горад Кацярыны ІІ.
"Далей" - кароткая інфармацыя і мой вершаваны пераклад оды, што быў апублікаваны на Магілёўскай гістарычнай канферэнцыі ў чэрвені 2013.

22.10.2013

Дзіўныя паведамленьні пра езуітаў Беларусі

"Merkwürdige Nachrichten von den Jesuiten in Weißreußen.", Франкфурт і Ляйпцыг, 1785.
    Вырайшыў дадаць сюды таксама спасылку на пераклад гэтай кнігі. Пераклад яшчэ не скончаны. Таму "далей" можна будзе паглядзець урыўкі, нейкую цікавую інфармацыю, аднаўленьні стану пераклада і спасылку на афіцыёную фэйсбук суполку пераклада, дзе можна таксама падпісацца на кнігу.

Das Ausland

"Das Ausland: Eine Wochenschrift für Kunde des geistigen und sittlichen Lebens der Völker", том 8, Штутгарт 1835
Пакуль што найлепшае апісаньне, вельмі маляўнічае і з цікавымі падрабязнасьцямі.

21.10.2013

Neueste Gemälde des europäischen Rußlands und des Königreichs Polen

"Neueste Gemälde des europäischen Rußlands und des Königreichs Polen", Том 2, Вена 1833.
Даволі цікавае апісаньне губерні і горада 1833 года. Яскрава бачная "паліткарэктнасьць" аўтара, які ўзносіць Расею за яе ўнёсак у разьвіцьцё краю, які пад "Польшчай" быў закінуты і брудны. І Магілёў ужо выстаўляецца як гістарычна Расейская тэрыторыя, якая некаторы час знаходзілася пад уплывам Польшчы.

20.10.2013

Neueste länder-und völkerkunde

"Neueste länder-und völkerkunde: Ein geographisches lesebuch für alle stände", 3 Том, Ваймар 1807.
Зараз пачынаем ужо больш падрабязныя апісаньні. Цікавы статыстычныя звесткі пра губерню і горад на пачатку 19 ст.

Хутка дадам астатнія, што выкладзеныя на фэйсбуке.

Lehrbuch der Erdbeschreibung

"Lehrbuch der Erdbeschreibung zur Erläuterung des neuen methodischen Schul-Atlasses", Ваймар 1796.
Магчыма самае ляканічнае апісаньне горада : )


Livländische Jahrbücher

"Livländische Jahrbücher", 3 Том, Рыга 1782.
І яшчэ невялікі ўрывак з гісторыі Паўночнай вайны.
Падчас апісаньня вайны кніга піша пра дзеяньні швэдскага генэрал-лейтэнанта Карла Адама Штакельберга (1669—1749) ў 1708м.


Reales Staats-Zeitungs- und Conversations-Lexicon

"Reales Staats-Zeitungs- und Conversations-Lexicon", Ляйпцыг 1715
Зноўку кароткае апісаньне горада.
Цікава, што ў выданьні гэтага лексікону 1739 году, "маскавіцкая мяжа" і "бой паміж швэдамі і маскавітамі" ужо замененыя на "рускую мяжу" і "бой паміж швэдамі і рускімі". Атрымліваецца, што тэрміны "Расея" і "рускія" для эўрапейцаў узніклі паміж 1715 і 1739 гадамі.

Neue Erdbeschreibung

"Neue Erdbeschreibung: Erster Theil", 1 Том, Гамбург 1764
Яшчэ адно, крыху больш падрабязнае, апісаньне 1764 году.